حدّث ولا حرج - الصفحة 12 - منتديات تونيزيا ساتيليت - TSF
TSF Upload | TSF Messenger | TSF Store | TSF Tv






الانتقال للخلف   منتديات تونيزيا ساتيليت - TSF > الأقــســـام الــعـــامــة > منتدى التسالي > منتدى التسلية العامة
التسجيل دعوة الأصدقاء البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
قديم 21-01-2011, 05:31   رقم المشاركة : 78
معلومات العضو
DevPoint
دعم فنّي
 
الصورة الرمزية DevPoint
 






DevPoint غير متواجد حالياً

DevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud of

 

خبر غصرة وتعدّات

من جملة ماعون الدار كان فمّا قصاعي اللوح، كانو كبار ما يخلّييو شيء على البرابولات على جدّة ما بداو، ومن كثرة الرزن متاعها الّي يهزها فارغة تظهرلو كاينّو هازها مليانة وكانوا يستعملوها لبرشة اغراض من غسيل وتكسكيس وفي مناسبات الاعراس في جيهتنا؛ يعبّياها بالكسكيي ويحطّو فوقها اكثر من علّوش لحم ويغطّياها بالعضام (بيض) الملوّن والحمص والزبيب ويسمّيوها "القصعة"، وباش ينجمو يحولاها يحطّوها فوق جيّابة (اللي ما يعرفش معني الجيّابة يقول). ماو حكينا على زردات المحمص والعصيدة، كان زادا شكون يطلّع زردة كسكسي باللحم. من جملة الحكايات اللي حكاهملي الحاج ناجي(رحمه الله): كان مرّة حاضر في زردة كسكسي، مولى الزردة حط قصعة الكسكي في الزاوية (توّا ولّات مدرسة) فمّا جماعة يتبعوا فيه وزاد نادى على جماعة القهوة؛ و باش ما يبداوش كل من يخطف ليه عطاهم كل واحد لحمة فيدو وقاللهم "منكم للقصعة والّي ما يشبعش نزيدو" ، من حينك اللي هذا زرط لحمتو وداروا على القصعة كل واحد يلوّح على حسابو؛ هذي تنفع هاذي تضر، وولّاو يتعاندوا اشكون يدوبل على الجماعة... هوما هكّاكة وما فرّو كان واحد طاح على ظهرو؛ فمّو معبّي بالكسكسي وهو يغفّق وبعد قطع الخباط، ودخلت بعضها:
* الراجل مات... الراجل مات...
* هذاكا تلقاه غص، شربوه
* كيفاش حب نشربوه؟ الراجل خلص
* توهكّا يا رسول الله، الراجل مات بين يدينا
وكل واحد واش يقول
"والكلام للحاج": ضربتو على القفدة فمّاش وين يتنفّس، النافع الله، ولّيت شدّيتو من يديه الزوز وقلت لواحد من الجماعة باش يشدّو من ساقيه وبدينا نلطخوا فيه على القعّة، وفي لطخة من اللطخات طلّع الكسكسى من فوق ومن لوطة ورجع فيه النفس
* يا فلان، يا فلان ماك لاباس؟
ويرد عليهم وهو يتنهّج: "لاباس"
* الحمد لله كيف تكلّمت
* لاه يا فلان شعملنالك؟ اصحاب صغار باش تورّطنا وتخلّينا فضيحة
* بالكبسة الّي تكبستها خلّفت على روحي، باهي والله...
* شيء يركّب البوسفّير...
وكل واحد وشنوّة يقول، عاد قلت للحاج راهو من وقتها حلف على الكسكسي؟ قعد يضحك مشوار طويل وقال لي: بالغصرة اللي تغصرناها الكسكسي تهضّم ورجعنا للقصعة كمّلناها وفلان قاعد يخزرلنا...










رد مع اقتباس

قديم 21-01-2011, 05:32   رقم المشاركة : 79
معلومات العضو
DevPoint
دعم فنّي
 
الصورة الرمزية DevPoint
 






DevPoint غير متواجد حالياً

DevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud of

 

خبر كاس التاي زاد

آني متعدي من السوق (وسط البلاد) ولّيت قلت: نعمل طلّة على القهوة فمّاش حد من الجماعة نبدلو شويّة الجو، قول ما لقيت منهم حتّى حد، أيّ قلت نعمل كاس تاي ما دام يجيش حد. تعدّيت للكونتوار وطلبت كاس تاي، وبما انّوعندي بزايد صرف مدّيت من جيبي 300، آني هكّاكة وجاني القهواجي يرغب ويرحّب بيّ ومد من جيبو زوز بياسات صفرظهرولي كاينهم 150، قتلو "خلّي لواه هاو عندي صرف" ورميتلو ال 3 ميات فيدو، خذاهم آما نشوف فيه قالق شويّة، حاصيلو خذيت الكاس تاي وطلعت البرّة ولقيت الحاج طاهر وقعد يجبدلي في التوارخ....
وبعد نهارات تفكّرت الفازة متع ال 150 وقعدت نحلل فاها (من شيرة شفت الزيادة في تونيزيا-سات غير سهيت ومن شيرة اخرى ثبّتت في قهوة اخرى) القهواجي مدلي 150 بقية 500 على خاطر القهوة غلات وحشم باش يقلّي "زيد 50 فرنك، غير آني وقتها عقلي موش عندي.











رد مع اقتباس
قديم 21-01-2011, 05:33   رقم المشاركة : 80
معلومات العضو
DevPoint
دعم فنّي
 
الصورة الرمزية DevPoint
 






DevPoint غير متواجد حالياً

DevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud of

 

خبر والقهوة زادت

احنا قاعدين تحت الحيط، كلمة منّا وكلمة من غادي ونلقاو رواحنا نتحدثوا على الزيادات، وقتها عم صالح تفكّر حكاية وقعت في اول الستّينات لجارو الحاج فلان الله يرحمو؛ كان في الصيف عامل برنامج يومي مضبوط ومن جملة كان يتغدّا ويقيّل في الشرقي مقابل البحر وبعد يمشي للجامع يصلّي الظهر والعصر، ومن الجامع طول للقهوة (ملاصقة للجامع) ويتسبل في الشرقي في الرواح على الحصيرة وظهرو على الحيط باش ياخو راحتو، حاصيلو قعدة ملوك. وقتها يشوفو القهواجي يعملّو قهوتو يحطها قدّامو ومعاها كاس ماء، القهواجي يعرف شرب الكلييونات الكل ولوكان يسهل واحد اشنوة يشرب معناها كيف اللي حقرو. وقي هاك الزمان القهوه ما فاها كان قهاوي الززوة ولّا القازوز. حاصيلو في نهار من النهارات الحاج شرب قهوتو كيف العادة وحط دورو وبياسة بزوز فرنك وفرنك ( وقتها القهوة ب8 فرنك)، وكيف القهواجي هز الشقف وحسب الفلوس قالو "يا حاج القهوة راهي زادت وولّات ب10 فرنك"، الحاج تزوحل وقالّو "متين زادت؟"ن قالّو القهواجي "اليوم يا حاج"، عاد الحاج قاللو: "اسمعني مليح يا ولدي، آني عامل برنامجيا قبل ما نطلع من الدار ومانيش واخو على روحي، حقّك على الاقل نبّهتني قبل ما تجيبلي القهوة، اسمع ولدي اليوم ما يكتبولك من عندي كان 8 فرنك وغدوة يعمل الله دليل"






رد مع اقتباس
قديم 21-01-2011, 05:38   رقم المشاركة : 81
معلومات العضو
DevPoint
دعم فنّي
 
الصورة الرمزية DevPoint
 






DevPoint غير متواجد حالياً

DevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud of

 

خبر استفتح

الناس اللي يثبتوا على الستّينات لازم راهم سمعوا ببلاد اسمها قصور الساف، هذا كان ما طلعوش مشاوولها، على خاطر في هاك الوقت تشهرت بالحمّام. من الاول حفروا بير ارتوازي اذا بيه طلع ماه غير صالح للشراب والفلاحة وبكلّو املاح وخاصة البخّارة(كبريت)، وكيف ما يقولوها "قصّولو يدّو طلعت صالحة للطمبور" هالنوعية متع المياه السخونة والغنية بالاملاح صالحة للاستحمام ونافعة برشا للامراض كيف الجلدية وغيرها وولّاو بناوا حمّام وسمّاووه حمّام سيدي علي المحجوب والحومة ولّات معروفة ب"حومة البير". الحمّام فيه جابية كبيرة كيف يحلّولها الشرشارة (السبالة) بزايد اللي يوقف قدّامها تنطرو، اقوي من الخراطيم متع الحماية، وجابية متوسطة اغلى من الجابية الكبيرة وجابية صغيرة عاملينها "شرفيّة" ويسمّيوها جابية بورقيبة، ومن مدخل آخر عاملين صف بانوات يعملو الكيف وهوما اغلى حاجة وعملوا زادا سبّالة عادية في الخارج للي يحب يهز معاه الماء مجانيا. وكان الماء المستعمل مسياب والفلّاحة القراب يتعاركوا عليه، كل واحد يدوّر فيه لجنانو إذا بيه كيف ضهر اللي هو يقتل الشجر ولّا كل واحد يلز فيه لجارو
الذراري الصغار يدخلوا بلاش، عاد نثبت على امّي كيفاش هزّتني معاها، في الاول المرا المسؤولة قالتلها " الولد ولّا يعرف..." وبعد مجادلة كبيرة دخلت مع امي نعوم في وسط النسا ... حاصيلو هالمغامرة والفيلم متع عصفور السطح الحلفاوين يذكروني ببعضهم.
نرجعوا للموضوع: في هاك الوقت طلعت الاشاعات في تونس وفي الخارج، اش قالك اش قتلك في قصور الساف فمّا بير عام فيه الاعمى طلع يرا والبكّوش كيف عام فيه ولّا يتكلّم ... وتعبّات حومة البير بال***1700;واطن واللي عندو خربة كراها واللي عندو دار ردها وكالة والحوانت ملّي كانوا ينشّوا في الذبّان ولّات ضاربة عليهم الزحمة والكوشة ولّات تخدم ليل ونهار وماهيش لاحقة، حاصيلو كوميرس متع فرد مرّة.
في السبعينات سكروا البير ومسحوا الحمّام ردوه ساحة مهدة (لاسباب يطول شرحها) وقعد كان الحديث والاشاعات على حلّانو من جديد والحسرة على الايام اللي تمتّعنا فاها بالبير.
في الايام الفارطة، عاد آني قاعد بحذا الحاج طاهر، وجبدنا الحديث على البير ايذا بالحاج قام يضحك وحدو، كيف اكّدت عليه باش يقلّي على الحكاية قاللي: الناس الكل ربحوا من البير الّا فلان. في ايمات البير لمّد اللي وراه واللي قدّامو وتسلّف، عندو بيت طرها من داخل وحللها باب على الشارع وشري شويّة ماتريال متع رستوران وعلّق لوحة كتب علاها "مطعم"، ونهارة اللي قصد ربّي تفقّد البلاكة حل الباب وقعد ينظّم ويطيّب، الريحة متع الماكلة طالعة "فيحة وريحة" الّا الكلييونات ما جاوش، هو قالق وجي واحد قال السلام عليكم، وقتها فلان ولّا باش يطير بالفرحة، كيفاش ما يفرحش وهو باش يستفتح؟
ورحّب بالراجل "أيّ اتفضّل ..." ، في بالو باش الكلييان باش يقعد وياخو راحتو ويفطر في عقلو إذا بيه مدلو كاس من جيبو وقاللو " صبلي فيه ب20 فرنك مر***1700;ة (morga)
وكان فلان يعقل وتسياب على الراجل بطريقة عنصرية وما خلّالوش بالسبّان والكلام "اللائق" وركبتّو النعرة؛ وفزعوا الناس ولطخ الباب وبرم المفتاح وحلف بالحرام الثلاثة كان مازال يحل الرستوران






رد مع اقتباس
قديم 21-01-2011, 05:39   رقم المشاركة : 82
معلومات العضو
DevPoint
دعم فنّي
 
الصورة الرمزية DevPoint
 






DevPoint غير متواجد حالياً

DevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud of

 

خبر

اعتذر مؤقتا عن كتابة النوادر بهذه المشاركة، وكلّي دموع فرح ودموع ألم؛ مثل جميع أحرار تونسنا العزيزة، وان شاء الله القادم خير...


عاشت تونس حرّة ابيّة


عاش جيشنا الوطني الباسل الشجاع










رد مع اقتباس
قديم 21-01-2011, 05:40   رقم المشاركة : 83
معلومات العضو
DevPoint
دعم فنّي
 
الصورة الرمزية DevPoint
 






DevPoint غير متواجد حالياً

DevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud ofDevPoint has much to be proud of

 

خبر العضمة

في الوقت اللي البعض مازال يطالب بحكومة تكنوقراط برشا ناس ما خلّاوش الفرصة تفوت وبداو حملتهم الانتخابية... وربّي يستر يطلعش ناس تضحّي وناس تحصّل هناني بناني... شيء يذكّرني كي كنّا صغار كيفاش امهاتنا تعلّم فينا في الحساب بتكميض الصوابع: هذا سرق العضمة(1) وهذا خبّاها (2) وهذا شواها (3) وهذا كلاها (4) وهذا كلي الطريحة(5). المفيد، زعمة كيفاش باش تتوزّع الادوار في ثروة الثورة؟






رد مع اقتباس
إضافة رد

مواقع النشر

الكلمات الدليلية
ولا, حدّث, حرج

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 23:04.

Show Rules      التعليـــمات      الإتصال بنا      منتديات تونيزيا ساتيليت     الأرشيف      الأعلى



جميع الحقوق محفوظة 2016-2011 © . Powered by vBulletin®
Tunisia-Satellite
Copyright ©2000 - 2016, Jelsoft Enterprises Ltd